کشمش کے حیران کن فوائدے
نہار منہ کشمش کا پانی پینے کے فوائد
کشمش صحت کے لئے افادیت سے بھرپور ایک خشک میوہ ہے، ہم یہاں یہ جاننے کی کوشش کریں گے کہ کشمش کا پانی ہمارے جسم کے لئے کیسے فائدہ مند ہو سکتا ہے۔
آپ کے جگر کو صحت مند رکھتا ہے
کولا اور الکحل جیسے مشروبات کا استعمال آپ کے جگر کے دشمن ہوتے ہیں۔ اگر آپ ان میں سے کسی ایک کو بھی اپنی خوراک میں شامل کرتے ہیں تو آپ کو اپنی روزمرہ کی خوراک میں بھیگی ہوئی کشمش ضرور شامل کرنی چاہیے۔ بھیگی ہوئی کشمش اور جس پانی میں انہیں بھگویا جاتا ہے وہ دونوں جگر کے لیے اچھے ہوتے ہیں کیونکہ یہ بائیو فلاوونائڈز سے بھرپور ہوتے ہیں۔ یہ خون کو صاف کرتے ہیں اور آپ کے جگر کو بھی صاف کرتے ہیں اور اسی وجہ سے جگر کو لمبے عرصے تک صحت مند رکھتے ہیں۔
وزن کم کرنے میں مدد گار
صبح نہار منہ کشمش کا پانی پینے سے وزن کم کرنے میں مدد ملتی ہے چونکہ یہ فرکٹوز اور گلوکوز سے بھرپور ہوتی ہے جو آپ کو بھرپور توانائی فراہم کرتے ہیں اور اس میں موجود فائبر دیر تک آپ کو بھرے پیٹ کا احساس دلاتے ہیں۔
بلڈ شوگر کو کم کرنے میں مدد کرتا ہے
متعدد مطالعات سے پتہ چلا ہے کہ کشمش کھانے سے خون میں شوگر کی سطح کو کم کرنے میں مدد مل سکتی ہے۔ کشمش میں فائبر کی زیادہ مقدار ہوتی ہے اور اس کا گلایسمیک انڈیکس کم ہوتا ہے جس کی وجہ سے یہ شوگر کو کنٹرول کرنے کا بہترین آپشن ہے۔ اس میں پائی جانے والی قدرتی مٹھاس پر پر مکمل یقین کرتے ہوئے آپ اپنے شوگر لیول کو کنٹرول کر سکتے ہیں۔
قوت مدافعت بڑھاتا ہے
اس کے پانی میں موجود اینٹی آکسیڈینٹس آپ کے مدافعتی نظام کو بڑھانے میں مدد کرتے ہیں اوریہ مختلف قسم کے وائرس کے خلاف آپ کو دفاع فراہم کرنے میں مدد گار ہو سکتا ہے۔
