خیبرپختونخوا میں بارشوں کے باعث مختلف حادثات میں 32 افرادجاں بحق جبکہ 41 زخمی ہوئے۔
پی ڈی ایم اے نے حالیہ بارشوں کی وجہ سے جانی و مالی نقصانات کی رپورٹ جاری کر دی ہے، رپورٹ کے مطابق جاں بحق افراد میں 15 بچے، 12 مرد، 5 خواتین شامل ہیں۔
زخمی ہونے والوں میں 6 خواتین، 28 مرداور7 بچے شامل ہیں، پی ڈی ایم اے کے مطابق خیبر پختونخوا میں دیواریں اور چھتیں گرنے سے 1370مکانات کو نقصان پہنچا۔
خیبرپختونخوا میں 160گھر مکمل تباہ ہو گئے جبکہ 1210 گھروں کو جزوی نقصان پہنچا، یہ واقعات خیبر، اپر لوئر دیر، اپر لوئر چترال، سوات، باجوڑ اور شانگلہ میں پیش آئے۔
مانسہرہ، مہمند، مالاکنڈ، کرک، ٹانک، مردان، پشاور، چارسدہ، نوشہرہ،بونیر، ہنگو، بٹگرام، بنوں، شمالی و جنوبی وزیرستان، کوہاٹ اور ڈی آئی خان اورکزئی میں بھی بارشوں سے حادثات رونما ہوئے۔
