آنکھوں کو خوبصورت بنانے کے لئے طریقے
چہرے کی خوبصورتی کے لیے مرد و خواتین کیا کیا جتن نہیں کرتے اور چہرے پر داغ دھبے اور دانے ہوں یا بدلتے ہوئے موسم کی وجہ سے جلد کا خراب ہوناتو خاص طور پر لڑکیاں مختلف کریموں کا سہارا لیتی نظر آتی ہیں یا بیوٹی پارلر کا رخ کرتی ہیں جس سے وقتی طور پر تو انہیں چہرے پر شگفتگی اور چمک تو آجاتی ہے لیکن دیرپا اور مستقل طور پر ان پریشانیوں سے پیچھا نہیں چھڑاپاتی اور جیب پر بھی بہت بھاری پڑتی ہیں۔
کیونکہ اکثر خواتین وقت کی کمی کا رونہ روتے ہوئے ایسی بازاری اشیاء جلد کی تازگی اور خوبصورتی کے لئے استعمال کرتی ہیں اور انہیں یہ کہتا سنا جاتاہے کے قدرتی اشیاء سے استفادہ کرنا ایک محنت اور زحمت طلب کام ہے۔اگر ہم تھوڑی سی محنت کرلیں تو ہم جلد ہی مطلوبہ خوبصورتی اور نتائج حاصل کر سکتے ہیںآ ئیے دیکھتے ہیں کہ وہ کون سے ایسے ٹوٹکے ہیں جنہیں ہم استعمال کر سکتے ہیں جو ہماری جلد کے لئے ہر موسم میں بہترین اور مفید ثابت ہو سکتے ہیں۔
حسین آنکھوں میں ایک کشش ہوتی ہے جو دیکھنے والے کو بھی خوبصورت لگتی ہیں لیکن کیا آپ کو یہ معلوم ہے کہ ان کی خوبصورتی کیسے برقرار رکھی جاتی ہے۔کوئی بات نہیں اگر نہیں معلوم،ہم آپ کو آنکھوں کی خوبصورتی برقرار رکھنے کے چند گڑ بتاتے ہیں آپ انھیں آزمائیں اور آنکھوں کی خوبصورتی برقرار رکھیں۔
آنکھوں کو زیادہ چمکدار اور روشن بنانے کے لئے وٹامن اے سے بھرپور غذا کا استعمال کریں۔
دن بھر آنکھیں وقفے وقفے سے ٹھنڈے پانی سے دھوئیں۔
سیاہ حلقوں کو ختم کرنے کے لئے آنکھوں پر کھیرے کی قاشیں رکھیں۔
آملے کو رات بھر پانی میں بھگو دیں اور صبح اس سے اپنی آنکھیں دھو لیں۔
اگر آپ کی آنکھیں سرخ ہیں اور ان میں خارش بھی ہوتی ہے تو سر پر دہی کی مالش کریں۔
تھکی ہوئی آنکھوں کو آرام دینے اور تسکین پہنچانے کے لئے ٹھنڈے دودھ میں روئی بھگو کر دس منٹ کے لئے آنکھوں پر رکھیں۔
چائے کا ایک چمچہ خشک آملہ ایک کپ پانی میں رات بھر بھگو دیں صبح اسے ململ کے کپڑے سے چھان لیں اور پھر اس میں پانی کا ایک اور کپ شامل کر لیں،روزانہ صبح کو اس محلول کے چھینٹے آنکھوں پر ماریں۔یہ عمل آپ کی آنکھوں کو چمکدار بنانے میں مفید ثابت ہو گا۔
