پاکستانتازہ ترینسیاست

ایم ڈی IMF نےزبانی کمٹمنٹ دیدی ،اب معاہدے میں کوئی رکاوٹ نہیں،معاہدہ اسی ماہ ہو جائے گا:وزیر اعظم

اسلام آباد:وزیراعظم محمد شہباز شریف نے کہا ہے کہ عالمی مالیاتی فنڈ کی تمام شرائط کوتسلیم کر لیا ہے‘ آئی ایم ایف کی مینیجنگ ڈائریکٹر نے زبانی وعدہ کرلیا ‘اب کوئی رکاوٹ نہیں ‘ آئی ایم ایف کے ساتھ رواں ماہ معاہدہ ہونے کی توقع ہے۔
وزیر اعظم شہباز شریف نے کہا کہ پوری دنیا میں اس وقت مہنگائی اپنے عروج پر ہے‘عام آدمی پرمہنگائی کا بے پناہ بوجھ پڑا ہے‘سابق حکومت نے معیشت کا جنازہ نکال دیا تھا۔
ان خیالات کا اظہار انہوں نے وفاقی کابینہ کے اجلاس سے خطاب کرتے ہوئے کیا۔
وزیراعظم نے کہاکہ 14ماہ قبل جب ہم نے ذمہ داری سنبھالی تو ہمارے سامنے بڑے معاشی چیلنجز تھے، گذشتہ حکومت نے آئی ایم ایف کے ساتھ جو معاہدہ کیا تھا خود ہی اس کی دھجیاں اڑا دی تھیں اور خود ہی اس کی خلاف ورزی کی، ہم نے بڑی مشکل سے آئی ایم ایف کے ساتھ معاملات طے کئے۔
وزیراعظم نے کہا کہ آئی ایم ایف کے ساتھ سر جوڑ کر بیٹھے اور آئی ایم ایف کی تمام شرائط کونہ صرف تسلیم کر لیا بلکہ ہم نے اس سلسلہ میں پوری طرح ابتدائی اقدامات بھی کئے‘آئی ایم ایف کے ساتھ اسٹاف لیول معاہدہ پر ابھی تک دستخط نہیں کئے گئے جس کے بعد بورڈ میں یہ معاملہ جانا ہے۔امید کی جانی چاہئے کہ تمام شرائط پوری کرنے کے بعد رواں ماہ آئی ایم ایف کا نائنتھ ریویو مکمل ہو کر بورڈ سے اس کی منظوری ہو جائے گی۔
وزیراعظم نے کہا کہ ان کی آئی ایم ایف کی ایم ڈی کے ساتھ ایک گھنٹہ ٹیلی فون پر بات چیت ہوئی جس کے نتیجہ میں، میں یہ بات کہہ رہا ہوں۔ میں نے انہیں تجویز دی تھی کہ اگر آپ یقین دہانی کرائیں تو مزید جو ایک دو ضروری اقدامات ہیں ہم وہ بھی کریں گے۔ انہوں نے مجھے زبانی کمٹمنٹ دی جس کے نتیجہ میں ہم نے وہ اقدامات بھی کر لئے ہیں لہٰذا اب کوئی رکاوٹ باقی نہیں۔
شہباز شریف نے کہا کہ ہمارے وسائل پر بہت بوجھ ہے۔زراعت پر توجہ دے کر زرعی علاقوں میں خوشحالی لائی جا سکتی ہےُپوری دنیا میں معیشت کی ترقی سیاسی استحکام کے ساتھ وابستہ ہوتی ہے، جس ملک میں سیاسی استحکام نہیں ہو گا وہاں معیشت تباہ ہو جاتی ہے، پاکستان میں پچھلے سوا سال سے جو سیاسی عدم استحکام پیدا کرنے کی بھرپور کوشش کی جا رہی ہے اور اس کیلئے جو ذرائع پیدا کئے گئے اور جو بیانیہ اختیار کیا گیا اور جس طرح جتھے بندی کی گئی اس سے اس ملک میں سیاسی طوفان آیا، جس نے معیشت کے پہیے کو جام کیا، براہ راست غیر ملکی سرمایہ کاری تقریباً ختم ہو کر رہ گئی، ملک کے اندر سرمایہ کاری رک گئی۔
صنعتیں بھی متاثر ہوئیں، سیاسی استحکام کے بغیر کھربوں ڈالر کی سرمایہ کاری کا بھی کوئی فائدہ نہیں ہوتا اس سیاسی استحکام لانے کیلئے ہم سب یکسو ہیں، ریاست پاکستان اور ادارے اس سلسلہ میں یکسو ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Diyarbakır koltuk yıkama hindi sex