پیپلزپارٹی کے سینئر رہنما سید خورشید شاہ نے کہا ہے پیپلزپارٹی اسمبلیوں سے استعفیٰ نہیں دے گی ، ہم انارکی پھیلا کر سیاست نہیں کرنا چاہتے ۔ عوام کے مسائل کا حل پارلیمنٹ سے ڈھونڈنا چاہئے ۔
پیپلزپارٹی کے یوم تاسیس پر اپنے بیان میں سید خورشید شاہ کاکہنا تھا کہ پیپلزپارٹی اس وقت وجود میں آئی جب لوگوں کی زبانوں پر تالے لگے ہوئے تھے ، پیپلز پارٹی کے وجود سے قبل عوام کا برا حال تھا ، آج بھی قوم روز بروز مقروض ہوتی جا رہی ہے۔
سید خورشید شاہ نے کہا ملک میں آئین و قانون کے تحت حکمرانی ہونی چاہئے ، موجودہ پارلیمنٹ آدھ گھنٹے میں 30، 40 بل پاس کر لیتی ہے ، پاکستان پیپلزپارٹی نہیں چاہتی کہ پارلیمنٹ کے اندر سٹیمپ چھاپ لوگ آئیں.
