عمران خان زمان پارک سے اسلام آباد روانہ

توشہ خانہ کیس کی سماعت میں پیشی کے لیے سابق وزیراعظم اور چیئرمین پاکستان تحریک انصاف (پی ٹی آئی) عمران خان زمان پارک سے اسلام آباد روانہ ہوگئے ہیں۔

سابق وزیر اعظم عمران خان آج اسلام آباد کے جوڈیشل کمپلیکس میں ایڈیشنل ڈسٹرکٹ اینڈ سیشن جج ظفر اقبال کی عدالت میں پیش ہوں گے۔

پی ٹی آئی رہنما اور کارکنان کے ہمراہ عمران خان قافلے کی صورت میں براستہ موٹروے اسلام آباد پہنچیں گے۔

چئیرمین عمران خان اسلام آباد جوڈیشل کمپلیکس پیشی کے لئے زمان پارک سے روانہ #چلو_چلو_عمران_کے_ساتھ pic.twitter.com/ZPKdqBHZXr

— PTI (@PTIofficial) March 18, 2023

پی ٹی آئی کی جانب سے سیکیورٹی خدشات اٹھائے جانے کے بعد حکومت نے گزشتہ روز توشہ خانہ کیس کی سماعت ایف-8 کچہری کے بجائے جوڈیشل کمپلیکس اسلام آباد منتقل کر دی تھی۔

نوٹیفکیشن میں کہا گیا ہے کہ صرف ایک مرتبہ کے لیے کیس کی سماعت کی جگہ منتقل کی گئی ہے۔

چیئرمین عمران خان عدالت میں پیشی کے لیے زمان پارک سے روانہ! #چلو_چلو_اسلام_آباد_چلو pic.twitter.com/KzvSLSchHR

— PTI Islamabad (@PTIOfficialISB) March 18, 2023