شکار پور:ڈاکو وین لوٹ کر ایک مسافر کو ساتھ لے کر فرار

شکار پور انڈس ہائی وے پر ڈاکو وین میں لوٹ مار کرنے کے بعد ایک مسافر کو اغوا ءکر کے ہمراہ لے گئے۔

ڈاکووں نے وین میں سوار مسافروں کو جان سے مارنے دھمکیاں دیں اور تشدد بھی کیا، موبائل فون چھین لئے جبکہ متعدد مسافروں کو نقدی سے بھی محروم کر دیا۔

لوٹ مار کرنے کے بعد ڈاکو ایک مسافر کو اغواء کر کے ساتھ لے گئے، گھراطلاع پہنچنے پر اہل خانہ انڈس ہائی وے پر نکل آئے اور احتجاج شروع کر دیا۔ شکار پور پولیس کے مطابق مغوی کی بازیابی کیلئے راستوں کی ناکہ بندی کر دی گئی جس کے باعث گاڑیوں کی لمبی قطاریں لگ گئیں۔