افغانستان کیخلاف سیریز ، قومی ٹیم کےعبوری کوچ کیلئےمحمد یوسف مضبوط امیدوار
لاہور (آن لائن) پاکستان اورافغانستان کے مابین ٹی ٹوئنٹی سیریز کیلئے سابق کپتان محمد یوسف کو قومی ٹیم کا عبوری کوچ بنائے جانے کا قومی امکان ہے۔ میڈیارپورٹ کے مطابق افغانستان کے خلاف سیریز کے لیے قومی ٹیم کا اعلان بھی آئندہ چند روز میں کیا جا ئے گا، پی سی بی جلد ٹیم کے اسپورٹ اسٹاف کا اعلان کرے گا۔
ذرائع کاکہنا ہے کہ سابق کرکٹر محمد یوسف افغانستان کے خلاف سیریز کے لیے عبوری کوچ کے مضبوط امیدوار کے طور پر سامنے آرہے ہیں ۔قومی ٹیم کے بیٹنگ کوچ محمد یوسف کو ہی وقتی طورپر ذمہ داریاں سونپی جا رہی ہیں
جب کہ محمد یوسف کے ساتھ دیگر اسپورٹ اسٹاف بھی مقامی ہوگا۔ رپورٹس کے مطابق پاکستان کرکٹ بورڈ کے مکی آرتھر کے ساتھ معاملات تاحال طے نہیں پا سکے، اب پی سی بی کا تھنک ٹینک محمد یوسف کو عبوری کوچ کی ذمہ داریاں سونپنے کا سوچ رہا ہے۔نیشنل ہائی پرفارمنس سینٹر کے بیٹنگ کوچ محمد یوسف ثقلین مشتاق کے ساتھ کام کرچکے ہیں۔
