بھارت نے سیاچن پر پہلی خاتون فوجی افسرتعینات کردی

نئی دہلی(این این آئی) بھارت نے سیاچن گلیشیر پر پہلی خاتون فوجی افسر تعینات کردی۔

بھارتی میڈیا کے مطابق کیپٹن شیوا چوہان کو سیاچن گلیشیر پر کمار پوسٹ پر تعینات کیا گیا ہے۔ کیپٹن شیوا کو دنیا کے بلند ترین محاذ جنگ پر تعیناتی سے قبل خصوصی ٹریننگ دی گئی ہے۔

کیپٹن شیوا چوہان کا تعلق بھارتی ریاست راجھستان سے ہے۔ انہوں نے سول انجنیرنگ کی ڈگری حاصل کی ہے اور مئی 2021 کو بھارتی فوج میں شمولیت اختیار کی تھی۔