گزشتہ روز تاریخی اڑان بھرنے والے امریکی ڈالرکی قدر آج روپے کے مقابلے گر نے لگی۔
آج صبح کاروبار کے آغاز سے ہی امریکی ڈالر سستا ہونے لگا۔ آج صبح پاکستان اسٹاک ایکسچینج میں کاروبار کا مثبت رجحان دیکھنے میں آ رہا ہے۔
انٹر بینک میں ڈالر 6 روپے 1 پیسہ سستا ہونے کے بعد 279 روپے 8 پیسے کا ہو گیا۔پاکستان اسٹاک ایکسچینج کا 100 انڈیکس 423 پوائنٹس کے اضافے کے بعد 41 ہزار 94 پر آ گیا ہے۔
بین الاقوامی مالیاتی فنڈ (آئی ایم ایف) کی سخت شرائط کے باعث گزشتہ روز کرنسی مارکیٹ میں بھونچال آ گیا اور روپے کو بڑا جھٹکا لگا۔
جمعرات کو انٹر بینک میں ڈالر 21 روپے اور اوپن مارکیٹ میں 15 روپے تک مہنگا ہوا تھا۔
گزشتہ روز انٹر بینک میں ڈالر 285 روپے 9 پیسےکاہوا تھا۔اور 100 انڈیکس 40 ہزار 671 پوائنٹس پر بند ہوا تھا۔
