چارسدہ (آن لائن )سابق کپتان یونس خان نے کہا ہے کہ بابر اعظم دو سالوں سے ٹاپ کھلاڑی ہیں، ان کا موازنہ کسی سے نہیں کیا جاسکتا۔ کپتانی کیلئےبابر کے علاوہ کوئی چوائس نہیں۔چارسدہ میں میڈیا سے گفتگو کرتے ہوئے ان کا کہنا تھا کہ ڈیپارٹمنٹل کرکٹ کی بحالی پاکستان کرکٹ بورڈ کا زبردست فیصلہ ہے۔یونس خان نے کہا کہ کھلاڑیوں کے لیے روزگار کے مواقع دستیاب ہوں گے۔ ڈیپارٹمنٹل کرکٹ میں بہتری لانے کی گنجائش ہے۔یونس خان کا کہنا تھا کہ ڈپارٹمنٹس کے پاس موقع ہے کہ وہ نوجوان کھلاڑیوں کو پروموٹ کرے۔پاک بھارت سیریز پر بات کرتے ہوئے سابق کپتان نے کہا کہ پاکستان اور بھارت کی سیریز ہونی چاہیے۔
