پشاور میں تقریب سے خطاب کرتے ہوئے چیئرمین ایف بی آر عاصم احمد نے کہا کہ ٹیکس گیپ کو کم عرصے میں فل کرنے کی کوشش کریں گے، ٹیکس کا ہدف حاصل کریں گے۔انہوں نے کہا کہ ہمیں آمدنی میں شارٹ فال کا سامنا ہے، ہم کوشش کر رہے ہیں کہ سالانہ ہدف کو حاصل کر سکیں، رواں سال 7.4 ٹریلین کا ہدف مقرر کیا گیا ہے اس سال ورلڈ کسٹمز ڈے کا تھیم ٹیکس گیپ کو ختم کرنا ہے، ٹیکس گیپ کو ختم کرنے کے لیے اقدامات کر رہے ہیں۔
۔چیئرمین ایف بی آر کا کہنا ہے کہ ایف بی آر نے معیشت کی بحالی کے لیے مختلف اقدامات کیے، ایف بی آر موجودہ دور کےتقاضوں سے مکمل طور پر آگاہ ہے۔ ان کا یہ بھی کہنا ہے کہ پہلا سال ہو گا جب ان ڈائریکٹ ٹیکس کے مقابلے میں ڈائریکٹ ٹیکس زیادہ اکٹھا ہو گا۔ان کا مزید کہنا ہے کہ پاکستان کی معاشی صورتِ حال اس وقت بہت نازک ہے۔
