موجودہ سیاسی صورتحال میں میرا پاکستان واپس آنا ممکن نہیں، نواز شریف

پنجاب اسمبلی کی تحلیل و ممکنہ صوبائی انتخابات کا معاملہ ، پاکستان مسلم لیگ ن کے قائد نواز شریف نے فوری وطن واپسی سے انکار کردیا۔

گزشتہ روز مسلم لیگ ن کی سینئر قیادت نے نواز شریف کو رواں ماہ ہی وطن واپسی کی تجویز دی تھی ، سینئر قیادت نے موجودہ سیاسی صورتحال میں نواز شریف سے فوری وطن واپسی کی درخواست کی تھی۔

قائد مسلم لیگ ن نواز شریف نے پارٹی رہنماؤں کو جواب میں کہا ہے کہ فی الحال موجودہ سیاسی صورتحال میں میرا پاکستان واپس آنا ممکن نہیں ، اس ماہ مریم نواز کی فوری وطن واپسی کاامکان ہے ، مریم نواز کچھ عرصے کے بعد مجھے رپورٹ دیں گی اس کے بعد وطن واپسی کا فیصلہ کروں گا۔

نواز شریف نے پارٹی رہنماؤں کو تمام تر صورتحال سے انہیں اپ ڈیٹ رکھنے کی بھی ہدایت کی ہے ۔