تازہ ترینکھیل

پھر ہے میدان وہی ، انداز وہی ،ورلڈ کپ 1992خود کو دہرانے لگا

آسٹریلیا میں جاری ٹی ٹوئنٹی ورلڈ کپ نے پاکستان کیلئے 1992 کے ورلڈ کپ کی تاریخ دھرا دی میگا ایونٹ شروع سے ہی انیس سو بانوے کے ورلڈ کپ کا اسکرپٹ ثابت ہوا ہے۔
ٹی 20 ورلڈ کپ میں گرین شرٹس بالآخر سیمی فائنل میں پہنچ گئے ہیں، ٹی20 ورلڈکپ میں پاکستانی ٹیم دو میچ ہار کر آخری نمبروں پر تھی۔

آسٹریلیا میں ہونے والے بانوے کے ورلڈکپ میں بھی صورتحال ایسی ہی تھی۔ ٹی20 ورلڈ اور بانوے کے ورلڈ کپ میں پھر پاکستان کے وہ میچ شروع ہوئے جن میں پاکستان کے پاس ہارنے کی گنجائش نہیں تھی، ٹی20 ورلڈ کپ میں پاکستان نے سب سے پہلے اس وقت تک ناقابل شکست جنوبی افریقا کو زیر کیا۔ بانوے میں بھی پاکستان نے اس وقت تک ناقابل شکست نیوزی لینڈ کو دھول چٹائی تھی۔

گرین شرٹس کیلئے اس ٹی20 ورلڈ کپ میں اگر مگر کا کھیل جاری تھا، بانوے میں بھی قومی ٹیم اگر مگر کے ساتھ ہی آگے بڑھی تھی، سیمی فائنل خواب تھا لیکن نیدرلینڈز نے وہ اپ سیٹ کیا جس کی وجہ سے پاکستان کا راستہ صاف ہوا، اسی طرح انیس سو بانوے کے ورلڈکپ میں یہ کام آسٹریلیا نے ویسٹ انڈیز کو ہرا کرکیا تھا۔

پاکستان کیلئے راستہ بنانے والی نیدرلینڈز کی ٹیم سیمی فائنل میں نہیں پہنچی تو اس وقت آسٹریلیا بھی سیمی فائنل سے باہر ہی رہی تھی، ٹی20 ورلڈ کپ میں پاکستان نے پانچ میچ کھیل کر چھ پوائنٹس کے ساتھ سیمی فائنل میں جگہ بنائی، انیس سو بانوے میں پاکستان نے آٹھ میچ کھیل کر نو پوائنٹس کے ساتھ سیمی فائنل میں جگہ بنائی تھی۔بانوے کے ورلڈکپ میں شاہینوں نے انضمام الحق کی مشہور زمانہ اننگز کی بدولت سیمی فائنل میں کیویز کو زیر کیا تو اس باربابراعظم اور محمد رضوان کی جوڑی نے وہ کام کر دکھایا۔

ٹی20 ورلڈکپ کے سیمی فائنل میں انگلینڈ کا مقابلہ بھارت سے ہے تو انیس سو بانوے میں انگلینڈ کا مقابلہ جنوبی افریقا سے تھا۔ جو انگلینڈ نے جیتا تھا، اگر انگلینڈ بھارت سے جیت گیا تو فائنل میں پاکستان اور انگلینڈ پھر آمنے سامنے آسکتے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
%d bloggers like this: