پاکستانتازہ ترین

تحریک انصاف کی آزادی مارچ کیلئے حکمت عملی تیار

تحریک انصاف نے وفاقی حکومت کے خلاف آزادی مارچ کے لیے حکمت عملی تیار کرلی
خیبرپختونخوا، پنجاب اور آزاد کشمیر سے آنے والے قافلے اسلام آباد جانے والے راستوں پر دھرنا دیکر داخلی اور خارجی راستے بند کیے جائیں گے جس کے لیے کم سے کم ایک لاکھ افراد پہنچیں گے۔
پی ٹی آئی قیادت کی جانب س خیبرپختونخوا، پنجاب اور آزاد کشمیر کی تنظیموں کو تیار رہنے کی ہدایت کردی ہے، زرائع نے دھرنا پلان کے حوالے سے بتایا کہ عمران خان کی کال کے فوری بعد قافلے اسلام آباد کی جانب روانہ ہوجائیں گے ہر حلقے کے ایم این اے اور ایم پی اے کے ساتھ کم از کم 1 ہزار کارکن روانہ ہوں گے۔

خیبرپختونخوا اور پنجاب سے آنے والے قافلے اسلام آباد جانے والی شاہراؤں پر دھرنا دیکر بیٹھ جائیں گے اسی طرح آزاد کشمیر سے قافلے پنجاب کی حدود میں مری روڈ پر دھرنا دیں گے، پارٹی قیادت کی جانب سے اسلام آباد جانے والی شاہراہیں بند کرنے کے لیے پارٹی ذمہ داروں کی ڈیوٹیاں بھی لگادی گئی ہیں اور شاہراہیں بند کرنے کے حوالے سے فہرستیں بھی تیار کرلی گئیں ہیں۔
ذرائع کے مطابق دھرنے کے شرکاء کو کپڑے، کھانا پینے کا سامان ساتھ لانے کی ہدایت کی گئی ہے جبکہ پارٹی کی جانب سے دھرنے کے شرکاء کے لیے عارضی دکانیں بھی بنانے کی بھی منصوبہ کی گئی ہے، سابق وزیراعظمم عمران خان نے لاہور سے نکلنے کا فیصلہ کیا ہے تاہم ابھی حتمی فیصلہ مشاورت سے کیا جائے گا۔ دھرنے کے شرکاء کی فہرستیں موبائل نمبر اور شناختی کارڈ نمبر کے ساتھ تیار کرلی گئی ہیں۔

میڈیا رپورٹس مطابق بتایا صوبائی وزیر شوکت یوسفزئی نے بتایا ہ تحریک انصاف اس بار بھرپور تیاری کے ساتھ لانگ مارچ کرے گی، رانا ثناء کو آنسو گیس استعمال کرنے کی ضرورت ہی نہیں ہوگی کیونکہ ہم ان کی حدود میں داخل ہی نہیں ہوں گے تو وہ آنسوگیس کس پر استعمال کریں گے، چاروں اطراف سے ہم نے اسلام آباد کو بند کرنے کی منصوبہ بندی کی ہے، رانا ثناء اللہ گھبرائے ہوئے ہیں اور گھبراہٹ میں ہمیشہ غلط فیصلے ہوتے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
%d bloggers like this: