آسماں پر جو آئے عید کا چاند
تیرا پیغام لائے عید کا چاند
چھوڑ دو تم کدورتیں ساری
آ کے بس یہ بتائے عید کا چاند
اس کو دیکھوں کہ میں اسے سوچوں
کاش مجھ کو سمجھائے عید کا چاند
چاند پہ لکھا میرے چاند کا نام
دیکھ کر مسکرائے عید کا چاند
چاند خوش اپنی چاندنی کے سنگ
تجھ کو بھی لے کے آئے عید کا چاند
زندگی میری بھی بدل دے , گر
روٹھا ساجن منائے عید کا چاند
اب ملا دے وہ چاند خانم کا
معجزہ یہ دکھائے عید کا چاند
