سابق اپوزیشن لیڈر راجہ ریاض نے کہا ہے کہ ہمارے بڑوں نے فیصلہ کیا ہے کہ الیکشن فروری میں ہوں گے جو سیاسی جماعتوں کے رہنما ہیں سب نے مل کر فیصلہ کیا ہے کہ الیکشن فروری میں کرادیئے جائیں، کاغذ پنسل لے کر میری بات لکھ لیں کہ سترہ فروری سے ایک ہفتے پہلے یا پندرہ فروری کے ایک ہفتے بعد الیکشن ہوجائیں گے اس میں اگر کوئی کمی ہو تو میں ذمہ دار ہوں۔ نگراں وزیراعظم میں نے اور شہبازشریف نے بنایا ہے دستخط ہمارے ہیں ۔
نگران وزیر اعظم کیلئے نوارالحق کاکڑ کا نام پہلی وزیراعظم کی میٹنگ میں دے دیا تھا اور وزیراعظم نے کہا تھا کہ آپ نے اور میں نے اپنے نام کسی کو نہیں بتانے ہیں۔ انوارالحق بلوچستان سے تعلق رکھتے ہیں اور نہایت پڑھے لکھے ہیں۔
انوار الحق کاکڑ نے اپنی پارٹی رکنیت ختم کر دی ہے وقت آنے پر واضح ہوجائے گا کہ ایک بہترین چوائس ہے اور ان کا بہترین کردار مستقبل میں نظر آئے گا۔ اللہ کا شکر پورے ملک میں اختر مینگل کے علاوہ کسی نے اعتراض نہیں کیا میڈیا نے اچھا کہا ہے اور ہر طرف سے اس فیصلے کو سراہا گیا ہے۔
الیکشن کمیشن کے بارے میں کچھ نہیں کہتا الیکشن سے متعلق بتا چکا ہوں پھر دہرائے دیتا ہوں کہ پندرہ فروری سے دو چار دن پہلے یا دو چار دن بعد الیکشن ہوجائیں گے اس میں کسی کو ابہام ہے تو اپنی غلط فہمی دور کر لے۔ان خیالات کا اظہار انہوں نے ایک انٹرویو میں کیا۔
