مسلم لیگ ن کے رہنما احسن اقبال نے کہا ہےعمران خان کابینہ کے پانچ وزیر ن لیگ کے ساتھ رابطے میں ہیں اور ٹکٹ کی یقین دہانی پر عمران خان کو چھوڑنے کےلیے تیار ہیں۔ کابنیہ ارکان بتاتے ہیں کہ عمران خان جیسا ڈکٹیٹر اور یوٹرن لینے والا وزیراعظم پہلے نہیں دیکھا۔
میڈیا رپورٹس کے مطابق انہوں نے کہا امید ہے تمام اتحادی جماعتیں حکومت کا ساتھ چھوڑ کر عوام کا ساتھ دیں گی۔ اگر اتحادی جماعتوں نے حکومت کا ساتھ دیا تو ان کاحساب لیں گے۔ 23 مارچ کو پورے ملک سے مزدور، کسان، کارکن اسلام آباد پہنچ رہے ہیں۔
انہوں نے کہا ہے کہ عمران خان الیکشن سے پہلے لوگوں کے خلاف مقدمات بنا رہے ہیں اور پاکستان کرپشن میں 16درجے گر کر 140 نمبر پر آ چکا ہے۔
