شمالی کوریا کے حکمراں کم جونگ اُن سے منسوب ’’محبت نامے ‘‘ سمیت اہم خطوط اور دستاویزات سابق صدر ڈونلڈ ٹرمپ کے زیر استعمال عمارت سے برآمد ہوگئے ۔
میڈیا رپورٹس کے مطابق صدر ٹرمپ وائٹ ہاؤس سے رخصت ہوتے ہوئے اپنے ہمراہ کئی اہم سرکاری خطوط اور دستاویزات بھی ساتھ لے گئے تھے جو قانونی طور پر نیشنل آرکائیوز میں محفوظ کیے جانے تھے ۔ان خطوط میں شمالی کوریا کے حکمراں سے ہونے والی خط و کتابت بھی شامل ہے جسے ڈونلڈ ٹرمپ ’محبت نامے ‘ کہا کرتے تھے ۔
اوبامہ کو لکھے گئے خطوط بھی ٹرمپ کی نجی لگژری پراپرٹی سے ملے ۔ امریکہ کے ادارے نیشنل آرکائیوز کے ملازمین نے جنوری میں ڈبوں میں بند ایسی بہت سی دستاویزات ٹرمپ کی لگژری پراپرٹی سے واپس لائے ہیں اور اب یہ نیشنل آرکائیوز کا حصہ بنیں گی۔
دوسری جانب ڈونلڈ ٹرمپ کے مشیروں کا کہنا ہے کہ 75 سالہ ڈونلڈ ٹرمپ دستاویز غلطی سے ساتھ لے گئے تھے ا ور انہوں نے یہ اقدام بری نیت سے نہیں کیا۔یواین نیشنل آرکائیو نے بتایا کہ پیر کے روز وائٹ ہاؤس سے لے جائے جانے والے دستاویز کے 15 باکس واپس حاصل کئے ہیں۔
