کراچی کے میئر کے لیے پی ٹی آئی نے حافظ نعیم الرحمٰن کو سپورٹ کرنے کا فیصلہ کر لیا۔
پی ٹی آئی کے ترجمان کا کہنا ہے کہ پی ٹی آئی میئر کے انتخاب میں جماعت اسلامی کے امیدوار کو سپورٹ کرے گی۔میئر کا انتخاب شفاف طریقہ کار سے ہونا چاہیے۔
ترجمان نے کہا کہ پیپلز پارٹی میئر کراچی کے انتخابی عمل میں پری پول رگنگ کر رہی ہے۔
انہوں نے کہا کہ پیپلز پارٹی منتخب بلدیاتی نمائندگان کو سندھ پولیس کے ذریعے اغوا کر رہی ہے۔ پیپلز پارٹی4 بار بلدیاتی انتخاب سے پیچھے بھاگی، عجلت میں میئر کا انتخاب کرانا چاہتی ہے۔ان کا کہنا ہے کہ پی ٹی آئی اس معاملے پر عدالت سے بھی رجوع کر چکی ہے۔
ترجمان کا کہنا ہے کہ پیپلز پارٹی اور ایم کیو ایم نہیں چاہتی کے عوامی مینڈیٹ قبول کیا جائے۔
