ٹریفک پولیس نے شہریوں کی سہولت اور آسانی کیلئے سٹیٹ آف دی آرٹ ڈرائیونگ لائسنس سنٹر بنانے اور ہفتے میں 7 روز 24 گھنٹے لائسنس بنانے کی سہولت دینے کا فیصلہ کر لیا .
چیف ٹریفک پولیس آفیسر (سی ٹی او) لاہور منتظر مہدی نے کہا ہے کہ مناواں ٹریفک پولیس لائنز میں سٹیٹ آف دی آرٹ ڈرائیونگ لائسنسنگ سنٹر بنایا جائے گا جہاں 24 گھنٹے شہریوں کو سہولت فراہم کی جائے گی اور ہفتے میں کسی بھی روز کسی بھی وقت ڈرائیونگ لائسنس بنوایا جا سکے گا۔
میڈیا رپورٹس کے مطابق سی ٹی او لاہور نے انسپکٹر جنرل (آئی جی) پنجاب سے اس ضمن میں منظوری بھی حاصل کر لی ہے انہوں نے بتایا مناواں ٹریفک پولیس لائنز میں سٹیٹ آف دی آرٹ ڈرائیونگ لائسنس سینٹر کی تعمیر سے شہریوں کو لائسنس کے حصول میں بہت آسانی ہو گی۔ ڈرائیونگ سنٹر کے افتتاح کے بعد عوام کی سہولت کےلئے اسے 24 گھنٹے کھولا جائے گا اور اتوار کے روز بھی عملہ ڈیوٹی پر موجود رہے گا تاکہ شہری باآسانی ڈرائیونگ لائسنس حاصل کر سکیں۔
