پاکستانتازہ ترین

عمران اور بزدار میں سے پہلے کون جائے گا،نہیں معلوم. سعد رفیق

مسلم لیگ (ن) کے سینئر رہنما خواجہ سعد رفیق نے کہا ہے کہ عمران حکومت کا جانا ٹھہر چکا ہے، نہیں معلوم عمران اور بزدار میں سے پہلے کون جائے گا۔ ایک ایٹمی قوت والا ملک اس طرح سے نہیں چلایا جاسکتا۔ْ

لاہور میں میڈیا سے گفتگو کرتے ہوئے لیگی رہنما سعد رفیق نے کہا کہ دھاوا بولنا ہے یا نہیں، فیصلہ چند روز میں ہوگا، دھاوا پہلے کہاں بولنا ہے سب سامنے آجائےگا۔ انہوں نے کہا کہ پی ڈی ایم کا جو فیصلہ ہو گا ن لیگ اس کے ساتھ ہو گی۔

سعد رفیق نےکہا کہ عمران خان زیادہ وقت لے چکےہیں، ن لیگ پہلی بار عدم اعتماد بارے سنجیدگی سے سوچ رہی ہے، عدم اعتماد بارے سیاسی جماعتوں سے مشاورت جاری ہے، عدم اعتماد کے طریقے کار پر بحث ہونا باقی ہے۔

انہوں نے کہا عمرن خان کے خلاف عوام کب کا عدم اعتماد کر چکی ہے، لوگ موجودہ حکومت سے بہت تنگ ہیں۔ انہوں نے مہنگائی پر حکومت کو آڑے ہاتھوں لیتے ہوئے کہا کہ مہنگائی نے غریب کا جینا دوبھر کر دیا ہے، ایک ہوتی ہے بیڈ گورننس مگر موجودہ حکومت کی نو گورننس ہے، ملک میں گورننس نام کی کوئی چیزنہیں ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: