اسلام آباد: نیشنل کمانڈ اینڈ آپریشنز سنٹر (این سی او سی) نے سندھ میں 9 اگست کو لاک ڈاؤن کو ختم کرنے کا اعلان کردیا۔
محکمہ داخلہ سندھ نے کورونا لاک ڈاؤن کے تناظر میں 8 اگست تک سرکاری اداروں کی بندش کا نوٹی فکیشن جاری کیا تھا، جس کے تحت سندھ حکومت کے ماتحت تمام سرکاری دفاتر 31 جولائی سے 8 اگست تک بند کرنے کا اعلان کیا گیا تھا،۔
این سی او سی اور سندھ حکومت کا مشترکہ اجلاس ہوا، جس میں سندھ خصوصاً کراچی کی صورتحال کاجائزہ لیا گیا۔
اجلاس کے دوران فیصلہ ہوا کہ لاک ڈاؤن ختم کردیا جائے گا، تاہم کورونا کی زیادہ شرح والےعلاقوں میں ایس اوپیز پر عملدرآمد سخت کرنے کا فیصلہ بھی ہوا ہے ۔
صونے میں سکولز کھولنے اور امتحانات لینے کا فیصلہ صوبائی وزرائے تعلیم اجلاس میں ہوگا، اجلاس میں سندھ میں ویکسی نیشن کی شرح کو بھی سراہاگیا۔
اجلاس میں یہ بھی فیصلہ کیا گیا کہ محرم اور لاک ڈاوٴن ختم ہونے کے پیش نظر کورونا ایس او پیز پر سختی سے عمل درآمد کروایا جائے اور کورونا پر قابو پانے کے لیے سمارٹ لاک ڈاوٴن لگایا جائے گا، جب کہ کراچی، حیدر آباد سمیت 13 شہریوں میں کورونا ایس او پیز پر سختی سے عمل درآمد کروانے کا فیصلہ بھی کیا گیا۔
