بدھ کو تعلیمی اداروں میں چھٹی ہو گی یا نہیں؟ صوبائی وزیر ماحولیات کا بیان سامنے آگیا

صوبائی وزرا کے ہمراہ پریس کانفرنس کرتے ہوئے صوبائی وزیر بلال افضل نے کہاکہ امرتسر کی جانب سے چلنے والی ہوا سے سموگ بڑھ رہا ہے،ان کا کہنا تھا کہ اس بدھ کو چھٹی نہیں کی جا رہی۔

قبل ازیں نگران وزیر اطلاعات پنجاب عامر میر نے پریس کانفرنس کرتے ہوئے کہاکہ صوبائی کابینہ نے آئندہ 4ماہ کیلئے بجٹ کی منظوری دیدی ہے،ترقیاتی منصوبوں کیلئے 351ارب روپے مختص کئے گئے ہیں، انفارمیشن ٹیکنالوجی کیلئے 2ارب روپے مختص کئے ہیں، ان کا کہناتھا کہ غیرقانونی غیرملکیوں کیخلاف یکم نومبر سے کریک ڈاؤن ہوگا۔