وفاقی وزیر میاں جاوید لطیف نے کہا ہے کہ سیاسی قیادت کے سینوں میں بہت سے راز ہیں، اگر میری ریاست خطرے میں پڑ گئی تو میں زبان پر لگا تالا کھولوں گا۔
مسلم لیگ ن کے رہنما جاوید لطیف نے پریس کانفرنس کرتے ہوہے کہا کہ کوئی عمران خان کو ملک سے باہر بھیجنے کی جرات نہ کرے، اب نہیں تو کبھی نہیں۔9 اور 10 مئی کے واقعات کی سہولت کاری ریاستی اداروں سے ریٹائر ہونے والے لوگ اور عالمی ادارے کر رہے تھے، یہ وہی کردار ہیں جنہوں نے 2017 میں پاکستان کی تباہی کی بنیاد رکھی۔
جاوید لطیف نے کہا کہ کیا دنیا کے مالیاتی ادارے پاکستان کے ساتھ سیاست نہیں کر رہے؟ عمران خان کی سہولت کاری بیرون ملک سے ہو رہی ہے۔انہوں نے کہا کہ اداروں میں بیٹھے جو لوگ سیاست نہیں کر سکتے وہ سیاست کروا رہے ہیں، پی ٹی وی اور وزیرِ اعظم ہاؤس پر حملہ کیا گیا۔ پہلے پاکستان مخالف قوتوں کے اس طرح خطوط آئے؟ نواز شریف اور اس کی فیملی کے ساتھ جو کچھ کیا گیا، کیا اس پر کوئی خط آیا؟ 2018 میں جب آر ٹی ایس بیٹھا تھا کیا کوئی خط آیا تھا؟ کیاوفاقی وزیر نے کہا کہ پاکستان میں انتشار کا جو بیج بویا گیا تھا آج وہ درخت بن چکا ہے۔
وفاقی وزیر نے کہا کہ کیا افسوس اور مذمت سے ریاست کے دفاع کا جو مذاق اڑا ہے وہ واپس آئے گا۔
